Na cuberta: "recuperar la presencia, rehabilitar los cuidados, desafiar el dominio de lo automático".

Diminución da capacidade de concentración, trastornos de hiperactividade na infancia, percepción xeneralizada dun tempo que se acelera, infoxicación, relacións ansiosas coas novas tecnoloxías, abuso de psicofármacos ou posibilidade de acudir a todo tipo de terapias para aprender a vivir aquí e agora. Nunca estamos no que estamos.
Que está a pasar? De que nos falan estas desordes da atención? En todas as situacións da vida cotiá existe unha batalla por entrar nas nosas cabezas e controlar os nosos corpos. Con todo, existe tamén a capacidade de vivir doutra maneira: prestando atención aos detalles, reapropiándonos do presente e coidando aos demais.
Os autores e autoras aquí reunidos abordan a atención como unha arte da presenza e como unha potencia que desordena o establecido e o dominio dos automatismos, en busca de algo distinto, máis aberto e máis libre. Queda nas nosas mans reactivar as forzas capaces de revitalizala para transformar o mundo e adoptar unha visión emancipadora do común.