Nene Yashiro é unha estudante de primeiro de bacharelato que asiste á Academia Kamome, famosa polos seus sucesos paranormais e por albergar tamén os sete míticos misterios. O sétimo misterio non é outro que Hanako, unha moza que habita os lavabos do terceiro piso da academia e que se supón que concede desexos co incentivo adecuado. Con todo, cando Nene decide invocala para conseguir namorar ao mozo dos seus soños, atópase coa sorpresa de que non se trata dunha moza, senón dun mozo. Despois de que ese desexo fracase, noutro intento desesperado, Nene come un obxecto de Hanako que serve para conseguir parella, pero lanza unha maldición sobre quen o consuma. Con tal de salvala, Hanako tamén o come, pero a cambio fará que Nene teña que traballar para el como a súa asistenta. Hanako encárgase de manter a paz entre os espíritos e os humanos. Para iso desfaise das aparicións malignas, sen importar os medios que teña que utilizar. Aos poucos vaise debullando o pasado de Hanako mentres se descobren os segredos que se esconden entre os sete misterios da academia.

3º-4º ESO